TIRANË– Masakra e ndodhur dy ditë më parë në zonën e “Don Boskos” në Tiranë ka tronditur mbarë opoinion publik. Breshëria e plumbave të dala nga kallashnikovët e përdorur nga atentatorët i morën jetën 60-vjeçares Mimoza Paja, e cila punonte si banakiere. Mësohet se në momentin që plumbat përshkruan xhamat e lokalit Moza, siç e thërrisnin ishte duke shërbyer. Qëndrimi në këmbë ka qenë fatal për Pajën, e cila ishte duke shërbyer porosinë e fundit në momentin që autorët hapën zjarr. Pesë oersona të tjerë mes tyre mbesa e mitur e viktimës mbetën të plagosur, fatmirësisht të gjithë jashtë rrezikut për jetën.
Siç mund të shihet edhe në fotot, syzet e 60-vjeçares qëndrojnë ende në banakun ku ajo shërbente çdo ditë për 16 orë pasi punonte me dy turne. Po ashtu aty janë dhe shapkat e saj dhe xhupi. Ndërkohë në lokal janë të dukshme shenjat e kasapanës së bërë. Kudo ka vriima të shkaktuar nga plumbat ndërsa xhamat janë të thyer dhe zona e rrethuar me shirit nga policia për të mos lejuar askënd që të futet brenda.
Atentati mafioz ndodhi mbrëmjen e djeshme në zonën e “Don Boskos” ku breshëri kallashnikovi u gjuajtën drejt lokalit në pronësi të Fatjon Muratit, një emër i njohur për botën e krimit. Murati dyshohet si i përfshirë në masakrën e e Fushë Krujës ku i vratë mbeti Brilant Marzinaj dhe dy miqtër e tij Diklen Vata dhe Besmir Hoxha. Fatjon Murati njihet si miku i Endrit Dokles. Si pasojë e të shtënave me armë mbeti e vrarë Mimoza Paja, 60 vjeçe, e cila punonte si banakiere si dhe u plagoaen 5 persona mes tyre dhe një vajzë 10-vjeçare që u dëmtua nga xhamat e thyer si pasojë e të shtënave. Të plagosurit e tjerë janë Sahit Murati (xhaxhai i Fatjon Muratit), Astrit Meraj, Emanuel Sala, Ermir Bejuku, Genc Shohalli, të gjithë jashtë rrezikut për jetën.
