TIRANË– Personi që shihni në foto është 27-vjeçari Jani Rustemaj, i riu, i cili ka përfunduar në gjenjde kome në Qendrën Spitalore Universitare “Nënë Tereza” pak ditë pasi u arrestua për vjedhje të një tapeti dhe një palëve atlete nga efektivët e Komisariatit nr.3. Ditën e arrestimit Policia lajmëroi familjarët e të riut se ai është ndjerë keq dhe është dërguar në ambientet e spitalit të burgut.
E ëma e 27-vjeçarit ka bërë akuza publike ndaj Policisë dhe efektivëve të Komisariatit nr.3. Në një intervistë për “Uniko” ajo ka thënë se nuk është njoftuar për gjendjen shëndetësore të të birit dhe ka akuzuar për në keqtrajtim të tij gjatë apo pas shoqërimit. Ajo thekson se djali nuk vuan nga asnjë sëmundje dhe nuk e lënë as që të hyjë në spital t’i qëndrojë afër.
Ndërkohë në lidhje me ngjarjen ka reaguar dhe policia e Tiranës, e cila ka dhënë version e saj të ngjarjes dhe ka sqaruar gjithë etapat procedurale të ndjekura në lidhje me rastin. Përmes një njiftimi për mediat blutë e kryeqytetit bëjnë me dije se familjarët e Rustemajt ka bërë një kallëzim për trajtim jo të mirë shëndetësor. Ndërsa sqaron dhe procedurën e ndjekur për rastin e arrestimit. Sipas tyre 27-vjeçari është ndjerë keq menjëherë pas shoqërimit për akuzën e vjedhjes.
Pasi ka marrë trajtimin thotë Komisariati nr.3 ai është ndjerë më mirë. Por ka shfaqur sërish probleme më datë 16 prill pas daljes para togave të zeza që i caktuan masën arrest me burg. Pas gjendjes së tij të rënduar është thërritur emergjenca dhe ai është transportuar drejt spitalit “Nënë Tereza”.
