SHKODËR– Personi që shihni në foto është 51-vjeçari Petrit Vuksani, i cili u ekzekutua pak minuta më parë brenda në banesën e tij në lagjen “Skëndërbeg” në Shkodër. Autorët dyshohet të kenë qenë dy dhe nuk përjashtohet mundësia që ai ti njihte pasi u kishte hapur dhe derën e banesës. Vuksani kishte rreth një muaj që ishte kthyer nga Anglia ku kishte qëndruar prej disa vitesh në emigrim.
Një nga pistat ku po hetohet është dhe ndonjë konflkikt i lënë pezull nga viktima në Britani. Policia ka ngritur pika të shumta kontrolli në qytet ndërkohë që zona është rrethuar dhe grupi hetimor po punon për mbledhjen e provave që mund të çojnë në zbulimin e të vërtetës.
NJOFTIMI I POLICISË:
Rreth orës 12:15, në lagjen “Tom Kola”, në rrethana ende të paqarta, në banesë, është vrarë me armë zjarri shtetasi P. V., 51 vjeç. Shërbimet e Policisë dhe grupi hetimor kanë shkuar menjëherë në vendngjarje. Janë ngritur pika kontrolli dhe po ushtrohet kontroll në zonë për kapjen e autorit të dyshuar. Grupi hetimor, në drejtimin e Prokurorisë, po vijon punën për sqarimin e rrethanave të ngjarjes, si dhe për sigurimin e çdo prove, me qëllim identifikimin dhe kapjen e autorit.
