TIRANË– Pamjet që shihni tregojnë momentin tragjik ku ekspertët e grupit hetimor dhe mjekësia ligjore mbulojnë me çarçaf të bardhë trupi e bërë shoshë nga plumbat të rojës së sigurisë Pal Kola që mbeti i vrarë pas breshërisë së plumbave të lëshuara në drejtim të godinës së Trop Channel ku ai punonte prej 6 muajsh. Kola ishte babai tre fëmijëve. Ai mbeti i vrarë pak pas mesnatës së kësaj të hëne. Të paktën 25 gëzhoja janë gjetur në vendin e ngjarjes ndërkohë që kangjellat e jashtme dhe xhamat e zyrave kanë shenjat e plumbave mbi to.
Ngjarja e rëndë është regjistruar rreth orës 01:00. Persona ende të identifikuar janë afruar me një makinë tip “Range Rover” dhe kanë hapur zjarr ndaj zyrave të Top Channel. Si pasojë e të shtënave ka mbetur i vrarë roja i sigurisë, 60-vjeçari Pal Kola. Pas breshërisë së kallashnikovit të zbrasur në Top Channel autorët janë larguar e më pas kanë djegur mjetin e përdorur në sulm, i cili rezulton të jetë i vjedhur.
