KAVAJË-Pamjet që po shihni tregojnë momentin kur Habib Rexha afrohet qetësisht në lokalin ku qëndronte viktima Arjan Gosa dhe e ekzekuton me një plumb në ballë në sy të babait të tij. Rexha e mbam armën e zjarrit me dorën e majtë pasi të djathtën e ka të dëmtuar. Pasi vret shënjestrën e tij ai largohet me vrap siç dhe është filmuar nga kamerat e sigurisë.
Pistoletën e ka mbështjellë me gazetë dhe e ka future nӕ qese. Në vendin e ngjarjes ai ka mbërritur me një makinë tip “Golf” të cilën e kishte parkuar afër lokalit. Një pistë tjetër hetimi është se Habib Rexha pas ngjarjes të jetë fshehur në Durrës dhe jo në Kukës, vendlindjen e tij.
Policia e Shtetit ka ofruar këtë të hënë 10 mijë euro shpërblim për këdo që jep informacion për autorin e ngjarjes. Familjarët e viktimës dhe të autorit janë marrë në pyetje. Ata janë shprehur se kishin lënë gjithçka në dorë të drejtësisë por me sa duket vetëgjyqësia vijon të jetë gjithomnë një hap para sistemit. Deri më tani nuk ka ende një informacion konkret se ku mund të jetë ekzekutori i Goses. Ngjarja ka tronditur zonën pasi ndodhi në një nga rrugët kryesore të qytetit. Lokali ku ndodhi ngjarje nuk ka pasur kamera sigurie ndërkohë Policia ka sekuestruar të gjithë kamerat në zonë dhe rrugët kryesore për të krijuar një itenerar për rrugën që ka ndjekur autori deri në momentin që i dha plumbin fatal Arjan Goses.
