TIRANË– Ajo është një nga moderatoret më simpatike dhe të dashura për publikun ndërsa ai një nga politikanët dhe analistët më kontravers që sa herë shfaqet në emisione televizive krijon debat dhe polemika. Bëhet fjalë për autoren dhe moderatoren Valbona Mhilli dhe gazetarin dhe analistin Milaim Zeka. Dyshja janë parë mbrëmjen e djeshme nën shoqërinë e njërit tjetrit.
View this post on Instagram
Ka qenë moderatorja Valbona Mhilli ajo që ka postuar një foto krah Zekës duke pyetur ndjekësit se “çfarë i bëri bashkë këta të dy” dhe përshkrimin e ka shoqëruar me flamujt e Kosovës dhe të Shqipërisë. Ndjekësit menjëherë kanë aluduar për një bashkëpunim mes dy moderatorëve por deri më tani këto mbeten vetëm hipoteza pasi asnjë nga të dy nuk ka konfirmuar asgjë.
Mhilli prej vitesh tashmë drejton një program nën autorsinë e saj në “MCN Tv”, i cili transmetohet çdo të shtunë dhe të diel. “Stay Tuned” ia ka dalë që të tërheqë me mijëra ndjekës çdo puntatë me të ftuar nga arti, politika, biznesi dhe jo vetëm ndërkohë Milaimi duket se është tërhequr paksa nga politika dhe televizionet dhe e shohim radhë si të ftuar në studiot e debatit politik por që sa herë del ka shumë për të dëgjuar dhe mësuar prej tij. Një ish-deputet i Kuvendit të Kosovës që mandatin e deputetit e shfrytëzoi për të thënë të vërtetat që ndonjëherë nuk u pëlqente asnjërës palë në Kuvend.
Duke shpresuar se dyshja do të vijë me një program të ri ne urojmë suksese por dhe nëse kemi të bëjmë me një darkë miqsh atëherë urojmë që të kenë kaluar sa më bukur. Ne jemi në pritje të lajmeve të bukura.
