TIRANË– Kur na ndajnë më pak se 24 orë nga nisja e Samitit BE-Ballkani Perëndimor që për herë të parë mbahet në Tiranë, kryeqyteti ka nisur të bëhet gati përe të pritur 14 krerë shtetesh. Siç shihet edhe në foto ka nisur zbatimi i masave të rrepta të sigurisë që janë vendosur në kaudër të kësaj dite.
Duke qenë se opozita po ditën e nesërme ka thërritur një protestë para Kryeministrisë, Policia ka marrë masa duke lyer shtyllat e ndriçimit pranë selisë së qeverisë me graso. Ndërkohë Garda e Republikës dhe agjensi të tjera ligjzbatuese kanë nisur koordinimin në terren për mbarëvajtjen e samitit por edhe të protestës së opozitës.
Temat kryesore të diskutimit do të jenë pasojat e agresionit rus kundër Ukrainës, intensifikimi i angazhimit politik, përforcimi i sigurisë dhe ndërtimi i qëndrueshmërisë ndaj ndërhyrjeve të huaja dhe adresimi i sfidave të paraqitura nga migrimi, lufta kundër terrorizmit dhe krimit të organizuar. E gjitha do të zhvillohet në kushte të rrepta sigurie, ndërsa deri më tani është lajmëruar se protestuesit nuk do të lejohen brenda perimetrit të sigurisë së Samitit.
