TIRANË– Opozita me sa duket i është përgjigjur “flakë për flakë” dhe me të njëtën monedhë kryeministrit Edi Rama sa i përket strategjisë së tij për fushatën elektorale të zgjedhjeve vendore të 14 majit. Pasi Rama mbushi rrugët e kryeqytetit me posterat e tij ku shfaqej me kreun e Partisë Demokratike Sali Berisha dhe atë të Partisë së Lirisë Ilir Meta me sloganin “Vetëm përpara, kurrë më mbrapa “, opozita ka nxjerrë “arsenalin” e saj në kryeqytet. Duke lëvizur sloganin dhe ndryshuar personazhet.
Kështu siç mund të shihet në fotot sot kryeqyteti është zgjuar me pamjet e ish-ministrave të arrestuar të kabinetit Rama dhe ish-deputetit Alqi Bllako dhe të ish-zëvendëskryeministritr Arben Ahmetaj. Nuk ka munguar as kryebashkiaku i Tiranës Erion Veliaj, i cili po ashtu është “shënjestruar” nga opozita. Në posterat e vendosur nga koalicioni “Bashkë Fitojmë” krahas fototve shkruhet: Nga mbrapa, vetëm përpara.
