TIRANË– Kjo e enjte u përfshi nga tensionet dhe debate të ashpra seanca plenare për shkak të skandalit McGonigal, por ajo ç’ka bie në sy është qetësia e deputetëve të mazhorancës, të cilët duket se nuk po u japin vëmendje diskutimeve të hapura nga ana e opozitës.
Gjërsa vazhdojnë debatet, deputeti Eduart Shalsi nga një fotografi e publikuar në rrjet, është parë që të luajë një lojë shahu në laptopin e tij, edhe pse në sallë zhvilloheshin përplasje të ashpra mes Opozitës dhe mazhorancës.
Opozita ka kërkuar shpjegime të lidhjeve të kryeministrit Edi Rama me ish zyrtarin e FBI të arrestuar, por kreu i qeverisë zgjodhi të mos ishte i pranishëm duke ia deleguar përgjigjen e tij ministres Elisa Spiropali.
Kjo ka shkaktuar kaos në sallen e Kuvendit, ku deputeti i opozitës Gazment Bardhi u tërhoq nga interpelanca me Ramën dhe grupi mbështetës i Berishës insistonte që Kuvendi të pranonte kërkesën e tyre për mocion me debat me kryeministrin, ku bllokuan foltoren.
