VLORË– Foto që po shihni tregon momentin pak para fundosjes totale të peshkarexhës “Bashkimi” në ishullin e Sazanit. Siç mund të shihet tre peshkatarët kanë mbetur në pjesën e fundit të papërmbytur të anijes dhe presin për ndihmë Rojet Bregdetare që fatmirësisht ndërhynë në kohë dhe i shpëtuan. Në bordin e peshkarexhës ishte pronari Flori Mezani së bashku me dy punonjësit.
Personat që ishin në bord kërkuan ndihmë, pasi tubat e shkarkimit që merrnin ujë nga deti janë çarë dhe për pasojë pjesa e motorit ka marrë në ujë. Ka qenë kapiteni Flori Mezani ai që ka sinjalizuar Rojën Bregdeatre. Pas marrjes së njoftimit, në ndihmë të tyre ka ardhur policia kufitare si dhe roja bregdetare. Ata kanë shpëtuar pjesëtarët e bordit dhe i kanë dërguar në Portin e Vlorës, të cilët janë në gjendje të mirë shëndetësore.
Pas mbërritjes në beg kapiteni ka falenmderuar efektivët dhe i ka përqafuar në shenjë mirënjohjeje. Gjatë një deklarate për mediat ai tha se situata ka qenë kritike pasi anija është përmbytur dhe ata janë detyruar të qëndrojnë lart për të shpëtuar.
Flori Mezani: Nuk kishim mundësi të shikonim se ramë në një ngecje të tmerrshme, sa filluam ndodhën këto probleme pastaj dallgëzimi ishte rreth 1 ballë gjë që është e pranueshme na u prish vinçi dhe në të njëjtën kohë na u bllokua. Dua të falënderoj anijen “Klodi” edhe rojen bregdetare dhe policinë kufitare se ne ishim në një moment kritik i falenderoj me zemër të pastër, deti ishte normal. Unë kam gjithë jetën peshkatar na kanë ndodhur probleme po jo të kësaj shkalle, kemi dhe fëmijët me vete, ishim tre veta brenda normativës. Nuk kishim mundësi komunikimi ishim si nëpër filma, anija ishte përmbysur, kemi qëndruar lart. Dëmi ishte shumë i madh mbi 250 mijë euro po dhe për anijet e tjera është e rrezikshme, ishim rreth 3.2 milje.
