TIRANË– Ashtu siç pritej ka nisur me tensione të forta seanca e sotme plenare në Kuvend, e cila është dhe e fundit për këtë sesion. Deputetët e opozitës kanë kërkuar interpelancë me kryeministrin Edi Rama në lidhje me aferën e incenratorëve. Në një moment kreu i Partisë Demokratike është ngritur nga vendi me një pankartë në duar të cilën e ka hedhur në drejtim të ministrave.
Garda e Republikës ka qëndruar në gatishmëri dhe është futur brenda ambienteve të sallës plenarë. Kjo ka irrituar edhe më shumë deputetët e opozitës të cilët i binin me grusht tavolinës. Në këtë moment kryeparlamentarja Lindita Nikolla u kërkoi efektivëve të Gardës të dilnin jashtë.
