TIRANË– Një tjetër aksident në të cilin përfshihen urbanët është regjistruar mbrëmjen e kësaj të enjteje në Tiranë. Ngjarja ka ndodhur tek “Ish-Ekspozita”. Raportohet se një autobus është përplasur me dy makina. Fatmirësisht nuk ka të lënduar.
Përplasja ka qenë e lehtë duke shkaktuar vetëm dëme materiale. Policia ka mbërritur në vendin e ngjarjes dhe po punon për zbardhjen e shkaqeve të aksidentit. Aksidenti ka shkaktuar bllokim të rrugës duke shkaktuar trafik në këtë orar që njihet për një trafik të rënduar dhe në ditë normale në një nga zonat më të frekuentuara të kryeqytetit.
