DELVINË– Pamjet e rënda që po shihni tregojnë 12-vjeçarin, i cili një natë më parë u sulmua nga gjashtë qen stani duke mbetur i lënduar rëndë. Siç mund të shihet i mituri ka marrë plagë të shumta në kofshë, krah dhe trup. Gjendja e tij shëndetësore pas ndërhyrjes kirurgjikale së cilës i është nënshtruar duket e stabilizuar por do i duhet kohë të marrë veten.
Raportohet se 12-vjeçari në momenin e ngjarjes ka qenë i vetëm me bagëtinë ndërsa qentë që e sulmuan janë të një bagëtie tjetër. Lidhur me ngjarjen bëhet me dije se babai i të miturit dhe çobani i bëgëtisë tjetër janë duke u marrë në pyetje nga Policia. Kjo e fundit shprehet se po punon për zbardhjen e plotë të rrethanave të ngjarjes.
