TIRANË– Kryeministri Edi Rama ka nisur këtë të martë vizitën e tij zyrtare në Japoni, e cila pritet të zgjasë deri më 25 shkurt. Kreu i qeverisë shqiptare është takuar ditën e sotme me kreun e Agjensisë Japoneze të Bashkëpunimit Ndërkombëtar, ku u diskutuan një sërë projektesh me rëndësi dhe me Kryetarin e Federatës Japoneze të Biznesit dhe një përfaqësi nga sektorë të ndryshëm ekonomikë.
Vizita e Ramës ka bërë që rrugët e kryeqytetit japonez Tokyo janë mbushur me flamurin shqiptar në kuadër të vizitës shtetërore. Fotot i ka publikuar kryeministri Rama në rrjetin social Facebook.
