TIRANË– Incidenti i ndodhur në protestën e datës 6 dhjetor ku lideri demokrat Sali Berisha u godit me grusht në fytyrë nga 31-vjeçari Gerti Shehu i ka bërë deputetët e PD-së të jenë më të kujdesshëm ndaj tij.
Kështu në seancën e kësaj të hëne Berisha u shfaq sërish me syze të errëta dielli për të mbuluar shenjat e shkaktuara nga sulmi. Më e kujdesshmja ndaj liderit demokrat ishte deputetja Albana Vokshi cila e ndihmoi të vishte pallton. Ndërsa deputeti Edi Paloka e ka shoqëruar kryedemokratin deri në foltoren e Kuvendit e më pas është kthyer bashkë me të në vend.
