BRITANI– Trafikantët shqiptarët dhe emigrantët të futur ilegalisht në Mbretërinë e Bashkuar përmes “La Manshit” kanë sfiduar këtë të martë Sekretaren e Brendshme britanike Suella Braverman një ditë pasi kjo e fundit doli me propozimin që emigrantëve t’iu vendoisen bvyzylyk në këmbë për të penguar largimin etyre. Përmes video-ve në rrjetet sociale emigrantët kanë “reklamuar” metodën se si këta byzylykë mund të hiqen nga këmbët. Daily Mail shkruan se videot po reklamohen nga shqiptarët kryesisht në “TikTok”.
Ndërkohë që po merret në konsideratë përdorimi më i gjerë i etiketimit, kriminelët që heqin gjurmuesit e tyre në videot në internet shpesh shfaqen të patrazuar nga kërcënimi i burgut kur heqin etiketat e tyre. Telegrafi raporton se një burrë, i cili është pyetur: ‘Ku është policia?’ përgjigjet me shaka: ‘Në komisariat, lol. E hoqa vetë.’ Një person tjetër u shfaq i pashqetësuar nga paralajmërimi se heqja e etiketave mund të rezultojë në 28 ditë burg, duke e quajtur atë “asgjë”.
Shqiptarët përbënin 28 për qind të shkelësve të huaj në etiketa në vitin 2022, sipas të dhënave të marra nga Kryeinspektori i Kufijve dhe Emigracionit. Planet e parashtruara për herë të parë një vit më parë për të etiketuar emigrantët që mbërrijnë ilegalisht me varka të vogla janë tani nën një shqyrtim të ri pasi Rishi Sunak përpiqet të marrë një kontroll mbi imigracionin dhe të ndalojë njerëzit që të fitojnë hyrjen ilegalisht në MB.
