FRANCË- Këshilli Kushtetues hodhi poshtë gjithashtu kërkesën e dytë për referendum popullor të paraqitur nga senatorët socialistë, komunistë dhe ambientalistë për “ndalimin e moshës së daljes në pension mbi 62 vjeç”.
Në mesin e prillit, “Sages” kishin refuzuar tashmë një përpjekje të parë.
Opozitës i mbetet vetëm projektligji për shfuqizimin e reformës, i cili do të paraqitet në parlament më 8 qershor nga grupi centist Liot.
Për kundërshtarët e reformës së pensioneve, të cilët më 1 maj arritën në ditën e 13-të të mobilizimit, kjo ishte një disfatë e re në përpjekjen për të rikthyer moshën e pensionit nga 64 – siç parashikonte reforma – në 62 vjeç.
Anëtarët e Këshillit Kushtetues vlerësuan se çdo referendum nuk ka të bëjë me çështjet “e organizimit të pushteteve publike, të reformave që lidhen me politikën ekonomike, sociale apo mjedisore dhe shërbimet publike që kontribuojnë në to”, siç e kërkon Kushtetuta.
