Në një intervistë për “Dazn”, lojtari që zhbllokoi sfidën e djeshme ndaj Atalantës, Teo Hernandez, u shpreh i sigurt se Milani “i vjetër”, ai që u shpall kampion Italie, po rikthehet.
“Kaluam një periudhë shumë të komplikuar, por tani po rikthehemi të jemi Milani që të gjithë njihnin. Më vjen keq vetëm për golin, ndonëse unë mendoj se duhet të më quhet mua… (qesh) Nuk e di, por sa e pashë topin që po më vinte përballë e ndjeva se duhej ta godisja, e ndjeja se mund të përfundonte në rrjetë dhe ashtu ndodhi”.
Ndërkohë, lidhur me rikthimet e mëdha të djeshme, Teo ndalet te portieri Menja: “Kishte kohë që e donim të ishte me ne në fushë, pasi e patë menjëherë ndeshjen e madhe që bëri. Mendoj se do të jetë një ndihmë e madhe për Champions-in, ndonëse në fillim të mendojmë të mundim Fiorentinën”, u shpreh francezi.
