Vendet e G7 vazhdojnë t’i kërkojnë Rusisë t’i japë fund luftës kundër Ukrainës, e cila sipas tyre ka shkaktuar një nga krizat më të këqija të ushqimit dhe energjisë në historinë e fundit. Përmes një deklarate të përbashkët, vendet e G7 i bënë thirrje Rusisë t’i japë fund luftës së saj kundër Ukrainës
“Ne jemi të vendosur për të mbështetur Ukrainën në mbrojtjen e saj kundër agresionit të pajustifikuar, të paprovokuar dhe të paligjshëm të Rusisë, dhe përsërisim thirrjen tonë të vazhdueshme që Rusia t’i japë fund luftës dhe vuajtjeve dhe humbjeve të jetëve”, thuhet në deklaratën e vendeve të G7.
