Pasditen e 15 shtatorit në Pire një shqiptar u qëllua për vdekje me dy plumba në fytyrë nga një 68-vjeçar me të cilin kishte konflikte të vazhdueshme. Ai u dërgua në spitalin Zaneio por nuk arriti t’i mbijetojë plagëve të marra, duke humbur jetën. I iru shqiptar mësohet se ishte baba i tre fëmijëve dhe punonte në parkingun ku ndodhi sherri. Dëshmitarët thanë se 68-vjeçari shfaqte shpesh sjellje agresive dhe i kërkonte viktimës një vend parkimi në parkingun ku i riu punonte. Pas debatit, autori shkoi në banesën e tij, mori armën dhe qëlloi për vdekje me gjakftohtësi shqiptarin.
Ditën e sotme Gjykata në Greqi ka vendosur masën e sigurisë ‘arrest me burg’ për 68-vjeçarin grek.
Në dëshminë e tij para togave të zeza, autori ka shprehur pendesë për krimin duke kërkuar falje.
“Jam penduar. Sinqerisht kërkoj falje, ishte gabimi më i madh i jetës sime. Dhe për këtë uroj dënimin tim”, dyshohet se ka deklaruar.
