DURRËS– Kandidati i koalicionit “Bashkë Fitojmë” për Bashkinë e Durrësit Igli Cara ka mbërritur në qendrën e tij të votimit i shoqëruar nga bashkëshortja dhe dy fëmijët. Për mediat Cara tha se ka pasur intimidime ndaj votuesve por që sipas tij asgjë nuk e ndal ndryshimin që do të ndodhë më 15 maj.
Igli Cara: Falënderoj ju që jeni këtu për punën që keni bërë, dua të ftoj të gjithë qytetarët që të ushtrojnë të drejtën për të votuar. Është një ditë e rëndësishme për Durrësin, ndaj dhe qytetarët mos të stepen për të votuar. Pavarësisht që kemi dhe momente jo të mira gjatë votimit, jam optimist se së bashku me qytetarët do të bëjmë më të mirën, Durrësi do ti kthehet qytetarëve. Data 15 maji do të jetë dita e fitores për qytetarët. Ka pasur intimidime, por kjo nuk e pengon ndryshimin që do të vijë më 15 maj, qytetari do të jetë i fshehtë dhe i sigurtë, dhe do të jetë i mirë për to dhe për Durrësin.
