TIRANË– Mbyllet procesi i votimit për zgjedhjen e kreut të Partisë Demokratike zyrtare ku në garë janë Lulzim Basha dhe Gjergj Hani. Sipas Kryetarit të Komisionit Zgjedhor në PD Jemin Gjana deri në orën 17:00 kanë votuar 13 mijë e 700 anëtarë. Për pak pritet të nisë dhe procesi i numërimit të votave.
Jemin Gjana: Bazuar në të dhënat që kemi grumbulluar deri në orën 17:00, pas orës 17 :00 kishte një fluks në rritje. Me të dhënat e orës 17:00 shifra është, 13 700, me 54% pjesëmarrje. Nuk ka pasur probleme ka qenë ditë e qetë votimesh.
