TIRANË– Pedagogu Shpend Gashi deklaroi në emisionin “Stay Tuned” me moderatoren Valbona Mhilli se konkurrenti i Big Brother VIP Luiz Ejlli është një zero në politikë. Gashi tha se i heq kapelen për përpjekjen e tij për të fituar para dhe për t’u bërë i famshëm, por s’beson se do të ketë ndikim me batutat e tij. Ndër të tjera Gashi citon shprehjen ‘shiu i beharit është si vrapi i gomarit’, duke iu referuar famës së shpejtë por të përkohshme që marrin personazhet në një reality show të tillë.
E ke dëgjuar ndonjëherë atë shprehjen? ‘Shiu i beharit është si vrapi i gomarit’, ashtu është edhe fama e Big Brother-it, si vrapi i gomarit! Nuk është konsistente, është thjesht…Je ditë për ditë në TV dhe të mbajnë mend njerëzit, në momentin që ikën nga TV jeta vazhdon. Luiz Ejlli s’e njoh, mund të jetë shumë djalë i mirë. Ai ka të gjithë të drejtën e botës të futet, të fitojë. I ka vendosur një qëllim vetes me fitu ca lekë, me u bo i famshëm. I heq kapelen, si i djathtë që jem, çfarë do lloj njeriu që do të tentojë Olimpin e vet, ta bëftë Zoti mbarë. Por nuk besoj se ka ndonjë ndikim Luiz Ejlli me batutat e veta, s’e s’është politika kapa një vajzë, gjeta dashurinë e jetës sime brenda Big Brother-it, apo me ndonjë batutë shkodrançe, gjërat bazike që bëhen te llotoja e lagjes. Politika, duhet të jesh më smart se sa të kesh parë 9 seri Big Brother-i jashtë edhe të krijosh një lloj strategjie taten. Mund të ketë marrë ndonjë para, apo t’i jetë premtuar diçka nga kandidati Benet Beci, ndoshta mund të jetë edhe kjo. S’mund të abstragoj kot, të hedh akuza, por kjo është qokë politike, do të vijë se më ke ardhur. Luiz Ejlli është zero në politikë”.
