Kreu i grupit parlamentar të PD, Gazment Bardhi tregon arsyen pse mblodhi deputetët e opozitës në një tryezë të përbashkët.
Në Top Story me Grida Dumën, Bardhi tha se e bëri një gjë të tillë në mënyrë që opozita në sallën e Kuvendit të jetë e unifikuar përballë Edi Ramës.
“Ai takim nuk u bë për PD-në. Ai takim u bë që unë në Kuvend të mos debatoj me Edi Palokën, por të dy së bashku të merremi me Edi Ramën. Nuk ka asnjë arsye për të qenë të ndarë”, tha Bardhi.
Ai tha më tej se situata ku ndodhet PD vijon të jetë kaotike dhe zgjidhja nuk duket e lehtë.
Por Gazment Bardhi shprehet i qartë kur shprehet se për atë, Sali Berisha nuk është kryetar i PD, por as Lulzim Basha.
“Një pjesë thotë, Sali Berisha është kryetar i PD. Një pjesë tjetër thotë është Lulzim Bashë. Unë dhe zoti Gjekmarkaj themi nuk është as njëri dhe as tjetri”, tha Bardhi.
/ Newszone
