Djali i ish-kryetares së Kuvendit, Jozefina Topalli, Genar Topalli, ka bërë një reagim publik për shpenzimet e dasmës së tij në Romë, me bashkëshorten e tij, Cindy Marina. Dasma u komentua dhe nga ish-e dashura e tij, moderatorja Eva Murati, ç’ka u diskutua gjerësisht në rrejtet sociale për shkak të deklaratave të gazetares që këto shpenzime luksi mund të jenë bërë nga ‘vjedhjet e parave publike’.
Por në reagimin e tij, Genar Topalli thotë se “ky sqarim bëhet vetëm për të shmangur çdo keqkuptim dhe për të hedhur poshtë komentet me shifra krejtësisht të pavërteta e spekulative”.
Genar Topalli thekson se dasma u zhvillua në Bazilikën e Shën Marisë, te Altari i Qiejve, për te cilin, sipas tij nuk ka pagesë, por vetëm një donacion simbolik.
Ndërsa darka sipas tij u mbajt ne një ambient në Romë, me kosto që nuk kalon shpenzimet e zakonshme të një dasme në Shqipëri.
“ Ceremonia u zhvillua në Bazilikën e Shën Marisë, te Altari i Qiejve – nje bekim i madh shpirtëror, për te cilin, siç dihet, nuk ka pagesë, por vetëm një donacion simbolik.
Më pas, darka u mbajt ne një ambient në Romë, me kosto që nuk kalon shpenzimet e zakonshme të një dasme në Shqipëri (çdokush mund ta verifikoje lehtësisht me nje kerkim te thjeshte ne Google). Gjithçka është menduar, organizuar dhe financuar prej meje dhe Cindy-t, me mbështetjen e prinderve të saj. Ne jetojmë e punojmë në SHBA, ku drejtojmë së bashku biznesin tonë ne fushën e transportit, ndërsa Cindy, përveç angazhimeve të tjera, menaxhon një nga klubet më të mëdha të volejbollit ne Kaliforninë Jugore, në pronësi te familjes së saj.
Prindërit e Cindy-t jetojnë në SHBA prej afro 30 vitesh dhe sot kanë ndërtuar biznese te suksesshme në fushën e transportit dhe të sportit, me mbi 150 të punësuar. Ky sqarim bëhet vetëm për të shmangur çdo keqkuptim dhe për të hedhur poshtë komentet me shifra krejtësisht të pavërteta e spekulative”, shkruan Genar Topalli në Facebook.
AKUZAT E EVA MURATIT
Ndërkaq, një ditë më parë, moderatorja Eva Murati në një koment në rrjetet e saj sociale tha se: “Nuk dua që miliona shqiptarë të më urojnë vdekjen sepse po mburrem me para që mund të jenë të vjedhura nga fondet publike”.
“Pra, po përpiqesh të na thuash që nuk e doje atë dasmë përrallore dhe një djalë të pashëm e të pasur. Gjithsesi kjo nuk është më pak në botën time. Nuk dua që miliona shqiptarë të më urojnë vdekjen sepse po mburrem me para që mund të jenë të vjedhura nga fondet publike. E di që më përndjek çdo ditë, por ta bësh këtë një ditë pas dasmës tënde është më shumë se patetike”, iu përgjigj prezantuesja, koment i cili tashmë është fshirë.
Postimi i plotë
Të dashur miq, familjare dhe te njohur,
Мё 13 shtator 2025 perjetova ditën me te bukur te jetës sime: u kurorezova me Cindy Marina.
Edhe pse nuk kemi asnje detyrim te japim shpjegime për jetën private, dua ta bëj këtë reagim për transparence.
Ceremonia u zhvillua në Bazilikën e Shën Marisë, te Altari i Qiejve – nje bekim i madh shpirtëror, për te cilin, siç dihet, nuk ka pagesë, por vetëm një donacion simbolik.
Më pas, darka u mbajt ne një ambient në Romë, me kosto që nuk kalon shpenzimet e zakonshme të një dasme në Shqipëri (çdokush mund ta verifikoje lehtësisht me nje kerkim te thjeshte ne Google). Gjithçka eshtë menduar, organizuar dhe financuar prej meje dhe Cindy-t, me mbështetjen e prinderve të saj.
Ne jetojme e punojme në SHBA, ku drejtojmë së bashku biznesin tonë ne fushën e transportit, ndersa Cindy, perveç angazhimeve te tjera, menaxhon një nga klubet më të mëdha të volejbollit ne Kaliforninë Jugore, në pronësi te familjes së saj.
Prinderit e Cindy-t jetojnë në SHBA prej afro 30 vitesh dhe sot kanë ndërtuar biznese te suksesshme në fushën e transportit dhe të sportit, me mbi 150 të punësuar.
Ky sqarim bëhet vetëm për të shmangur çdo keqkuptim dhe për të hedhur poshtë komentet me shifra krejtësisht të pavërteta e spekulative.
Falënderoj me zemër te gjithë ju qe na uruat ne këtë ditë te shenjte per familjen tonë.
