Gio Simeone afër Napolit
Në çdo sezon Napoli vijon ti mbajë gjallë shpresat se një ditë do ta fitojë garën me më të mirët e Scudettos dhe ta rikthejë trofeun në ‘’ Diego Armando Maradona ‘’.
Bardhekaltërit konsiderohen një ndër rivalët më të vështirë për tu mundur në Itali por prej shumë vitesh nuk po mund ta konkretizojnë objektivin e fitimit të kampionatit.
Meraktoja mbetet një periudhë nga e cila duhet përfituar maksimalisht dhe Luciano Spalletti ka mbetur i mahnitur nga niveli i Giovanni Simeones tek Verona.
Sezonin e shkuar argjentinasi realizoi 16 gola në 33 takime , arsye e cila e ka përfshirë edhe në listën e Diego Simeones .
27 vjeçari konsiderohet një ndër sulmuesit më të rrezikshëm të Serisë A në vitet e fundit , fakt që e ka shëndërruar në një ndër protagonistët e merkatos .
Me këto arritje , Gio Simeone e ka bërë krenar ‘’ El Cholon ‘’ i cili e shikon një vlerë të shtuar për Atletico Madridin por s’duhet përjashtuar as Sevilla , rival tejet i respektuar, sidomos në arenën europiane.
Por me shumë gjasa ishi i River Plates do të përfundojë duke luajtur tek ‘’ Azurrët ‘’ me qëllimin e ngjitjes së shkallëve në karrierë .
Napoli fatkeqësisht nuk po i gjen prej vitesh formulat për të mposhtur Juventusin , Milanin apo Interin por gjithmonë është afër objektivit dhe nuk do të ishte çudi nëse shumë shpejt do ta fitonte kampionatin.
