TIRANË– Gazetarja Gerta Gixhari, në emisionin “Stay Tuned” me moderatoren Valbona Mhilli, në MCN tv, teksa foli për formatin e Big Brother dhe efektin qe ajo sjell në opinion, u shpreh se ky efekt pranohet të jetë shumë i rënë në publik.
Sipas saj, ai është një eksperiment që zhvillohet te disa persona brenda saj, por që në fakt eksperimenti është vet populli.
“Nuk e ndjek 24 orë BB, ndjek netët e Prime-t, dhe nga rrjetet sociale. Ky efekti social që jep në opinionin publik për mua është shumë i rëndë dhe nuk do më pëlqente fare që opinioni publik të përfshihet kaq shumë me këtë fenomen social, është një eksperiment që zhvillohet te disa persona, por unë mendoj se në fakt ky eksperiment jemi ne, populli, dhe jo ata atje brenda. Ne jemi Big Brother nga jashtë, sepse ne po kuptojmë se çfarë preferencash ka ky publik, çfarë arrin të fal ky publik, çfarë përfshirje masive ka. Ideja është që opinioni nga jashtë është lehtësish i kanalizueshëm për të përcaktuar qoftë edhe udhëheqësin e tij. Mendoj se një nga historitë e BB që ishte histori e gënjeshtërt, u mbrojt me shumë forcë nga opinioni jashtë”.
