TIRANË– Fenomeni që përcjell në jetën e përditshme efekti i Big Brother, për gazetaren Gerta Gixhari, është i shumanshëm. Duke hequr një paralele me politikën në vend, në emisionin “Stay Tuned” me moderatoren Valbona Mhilli, në MCN tv, Gixhari tha se BB është si politika shqiptare sepse sipas saj, historikisht janë mbështetur figura që gjithmonë i kanë mashtruar shqiptarët, dhe prap nuk kemi ngritur zërin.
“Pra, mua nuk më intereson se çfarë ndodh brenda, mua më intereson se çfarë ndodh jashtë, kur neve përballemi me fenomene të tilla, është mashtrimi, neve vazhdojmë historinë tonë, ashti siç e kemi jetuar deri tani qe jemi mashtruar vazhdimisht si popull dhe këtë e lidhe me politikën shqiptare, e lidh me kërkesat që ne kemi, dhe me qasjen që kemi ndaj atyre që na udhëheqin dhe na drejtojnë duke pranuar që në te mashtrohemi. Dhe ne ngrejmë flamurin, ngremë figura heroike, duke i bashkuar edhe kësaj figure një mashtrim. Në historikisht kemi mbështetur figura që gjithmonë na kanë mashtruar, dhe vazhdojmë e bëjmë këtë pa asnjë interesi dhe nuk jemi ngritur të kërkojmë kurrë llogari pse na kanë mashtruar dhe na duket një gjë shumë normale madje edhe në politikë e quajmë si një pjesë të lojës, hë se politika kështu është”.
