Gjendet kallashnikov brenda koshit të mbeturinave në Vlorë! Dyshohet se është përdorur në ngjarje kriminale

VLORË– Një armë zjarri kallashnikov është gjetur këtë pasdite në lagjen “10 korriku” të qytetit të Vlorës. Arma u gjet brenda një kontejneri mbeturinash. Policia ka mbërritur në vendin ku u gjet arma dhe ka vendosur një perimetër sigurie ku nuk lejon askënd që të afrohet. Dyshohet se arma të jetë përdorur në një ngjarje kriminale. Policia e Vlorës nuk ka dalë ende me një deklaratë zyrtare.