Një e moshuar e deklaruar e humbur më datë 11.08.2023 prej familjarëve të saj, ditën e sotme është gjetur e pajetë në Mamurras. Dyshohet se 82-vjecarja është rrezuar aksidentalisht në kanal cka i solli fundin jetës së saj.
NJOFTIMI:
Rreth orës 14:30, në një kanal në afërsi të banesës së saj, në Mamurras është gjetur pa shenja jete, shtetasja G. L., 82 vjeçe.
Nga këqyrja e trupit të 82-vjeçares, nuk janë konstatuar shenja dhune. Paraprakisht dyshohet se shtetasja G. L. është rrëzuar aksidentalisht në këtë kanal dhe për këtë shkak, ka humbur jetën. Kjo shtetase, më datë 11.08.2023, është deklaruar e humbur, nga familjarët e saj. Grupi hetimor vijon veprimet për zbardhjen e plotë të rrethanave të kësaj ngjarjeje.
