Shtetet perëndimore janë duke bërë të pamundurën që Ukraina të rimarrë kontrollin e territorit të saj. Kryesisht vendet europiane por edhe SHBA kanë ndihmuar me armatime por gjithashtu kanë qënë te gatshme të stërvisin si duhet ushtarët e Forcave të Armatosura Ukrainase, në mënyrë që të jenë sa më efikasë në luftën ndaj pushtuesit rus.
Tashmë, në pritje të kundërofensive të planifikuar të Ukrainës, instruktorët gjermanë po trajnojnë trupat ukrainase për të luftuar kundër rusëve.
Trajnimi po zhvillohet në baza ushtarake që janë thuajse në të gjithë Gjermaninë, shkruajnë mediat e huaja.
“Forcat speciale ukrainase po përgatiten për një ofensivë në bazat e Bundesvehr-it”, shkruan gazeta gjermane Bild, duke theksuar se më shumë se 1000 ushtarë ukrainas janë vendosur aktualisht në bazat gjermane.
Ushtarët ukrainas janë trajnuar posaçërisht për të luftuar në zonat e populluara.
