Vetëm pak ditë pas daljes së tij, produksioni i Big Brother Vip Kosova, publikoi rrëfimin e Gjestit, në të cilin ky i fundit tregonte sfidat dhe vuajtjet e jetës së tij përfshirë edhe problemet që ka pasur me familjen.
Ai u shpreh se babai i tij nuk e kishte mbështetur kurrë për pasionet si dhe nuk pranonte të dërgonte gjëra ushqimore me lekët e tij në shtëpinë e tyre.
“Kemi pasur një raport shumë të keq me babin. Ai ka menduar shumë gjëra të këqija për mua. Kanë tentuar të na bëjnë keq me këto magjirat. Mua nuk më donte babi, babi nuk donte mamin, mami nuk donte motrën, motra babin dhe gjithë familja pati shkuar lëmsh,” u shpreh këngëtari ndërsa shtoi se “kemi qenë gati duke u mbytur me njëri-tjetrin në familje”.
“Babi edhe me ushqim kur i ndihmoja i hidhte të gjitha jashtë, më thonte nuk dua të të shoh me sy, për mua ka qenë shumë e rëndë,” tregoi Gjesti
Ndër të tjera ai rrëfeu edhe raportin që kishte pasur me të motrën teksa theksoi se familja për 24 vite nuk e kishin lënë të dal nga shtëpia.
“Motra ime deri në moshën 24 vjeç ka qenë e mbyllur në shtëpi, nuk e ka pasur kurrë lirinë e saj, nuk ka pasur kurrë as shoqe as shokë, as ka punuar dhe një ditë vendosa ta marrë motrën afër vetes dhe t’ia jepja unë lirinë që kurrë nuk e ka pasur.”
Lidhur më këtë rrëfim të Gjestit ka reaguar edhe motra e tij Blerina Kelmendi, e cila me anë të një postimi në TikTok ka treguar se këto janë probleme që çdo familje i kalon, por e rëndësishme është që çdo gjë ka kaluar dhe tani ata janë krahë njëri-tjetrit.
“Ne si familje e kemi pasur të vështirë ta përballojmë rrugëtimin tënd larg nesh, sidomos babi. Ishte ndikimi nga fjalët e njerëzve se ti kishe hyrë një rruge të keqe. Unë i jam falenderuese babait tim deri në vdekje, por që sot si familje krenohemi me ty, nuk ka familje pa probleme, rendësi ka t’i kalojmë gjërat,” ka shkruar Blerina.
Postimi i plotë:
Çdo njeri në jetën e vet ka pas probleme as një njeri nuk është perfekt e jo çdo herë jeta mundet me qenë me momente të lumtura. Gjesti përjetimet tua në moshë tre kanë qenë goxha të rënda dhe rrugëtimin tënd larg nesh në atë moshë ne si familje e kemi pasur të rëndë për ta përballur sidomos (BABI jonë) ishte edhe ndikimi fjalëve prej njerëzve që ti je në rrugën më të keqe e shume fjalë tjera për këtë arsye (BABI) s’mund ta përballonte të gjithën e fundin kur e përmende që këtu ka qenë edhe një arsye tjetër po u gjet me ndihmën e Zotit.
Prej atij momenti në familjen tonë problemet janë zhdukur. Sa më përket mua edhe jetës time i kuptoj prindërit që kanë dashur gjithmonë të më ruanin që të mos gaboja dhe të mos shoqërohesha me persona jo të duhur. Dhe i jam falënderuese babait tim deri në vdekje, por që sot si familje krenohemi me ty, nuk ka familje pa probleme, me rëndësi që të tejkalohen, është gjë shumë normale për të gjithë. Kaq mjafton
