TIRANË– Gjykata e Posaçme Kundër Korrupsionit dhe Krimit të Organizuar (GJKKO) ka dënuar këtë të hënë me 1 vit shërbim prove ish-kreun e Gjykatës Kushtetuese Bashkim Dedja. Ky i fundit akuzohet nga Prokuroria e Posaçme (SPAK) për fshehje pasurie. SPAK kishte kërkuar 1 vit burg për Dedjan por kjo do ti konvertohet me shërbim prove.
Ish-kreu i Kushtetueses Bashkim Dedja akuzohet se ka fshehur në deklarimin e një apartament me sipërfaqe 60 m2, e ndodhur në zonën Kryemedhenj, Njësia Administrative Golem Kavajë. Sa i takon këtij apartamenti, Dedja ka thënë se është i vëllait të tij dhe thjesht e ka pasur në përdorim, por ky pretendim i tij nuk e ka bindur Prokurorinë. Sipas SPAK, Dedja ka kryer deklarim të rremë të një apartamenti me sipërfaqe 146 m katror në Tiranë lidhur me një hua 10 mije euro të marrë nga kunati i tij. SPAK thekson se nga hetimi huadhënësi rezultoi në pamundësi për dhënien e kësaj huaje.
