TIRANË– Gjykata e Posaçme Kundër Korrupsionit dhe Krimit të Organizuar ka ka rrëzuar kërkesën e ish-ministrit të Financave Arben Ahmetaj që kërkoi që kontrollet në banesën e partneres së tij në vilën në Hamallaj të cilësoheshin si të paligjshme. Në seancën e kësaj të mërkurë trupa gjykuese vendosi që në dhomë këshillimi të mos pranojë këtë ankimim. Gjykata e cilëson kështu kontrollin e kryer nga oficerët e Byrosë Kombëtare të Hetimit si të ligjshëm.
