TIRANË– Gjykata e Posaçme Kundër Korrupsionit dhe Krimit të Organizuar ka rrëzuar sërish këtë të hënë kryebashkiakun e zgjedhur të Himarës Fredi Belerin duke e lënë në masën e sigurisë “Arrest me burg”. Një masë e tillë sigurie nuk e lejon Belerin që të betohet se kryebashkiak duke rrezikuar dhe djegien e mandatit.
Avokati: Në 31 Korrik na u vendosën para prova që nuk i dinim. Nuk ka pasur asnjëherë biseda me të infiltruarin ku i Beleri i ofron para në kërkim të votave. E dimë deri diku se ku do të shkojë. Kjo është me urdhër, këta nuk kanë fuqi edhe pse është një Gjykatë që u formua si e fortë. Por nuk ka fuqi para pushtetarëve. Të lirohej dhe të shkojë të marrë detyrën e tij, këtë kërkoi Beleri. Nga Gjykata u shkruajt bukur arsyetimi se nuk ekzistojnë kushtet.
Arrestimi dhe mbajtja në burg e Fredi Belerit ka qenë ka qenë dhe një “mollë sherri” mes Greqisë dhe Shqipërisë sa i përkte raporteve diplomatike, të cilat së fundmi ka qenë të tensionuara dhe me Fredi Belerin si objekt kryesor bisede në takimet diplomatike dhe jo zyrtare. Ambasadorja e Greqisë në Shqipëri vijonj të përsërisë qëndrimet e saj për lirimin e Belerit, të cilit Komisoni Qëndror i ka dhënë mandaton por ai ende nuk është betuar në Këshillin Bashkiak siç dhe e do procedura ligjore e marrjes së detyrës.
Më herët Ministri i Jashtëm grek Nikos Dendias ka “kërcënuar” vendin tonë sa i përket raporteve mes vendeve në arenën Europianë madje me veto për anëatrësimin e Shqipërisë në Bashkimin Europian. Dhe kryeministri grek Kyriakos Mitsotakis ka kërkuar lirimin e Belerit. Dhë në takimin e fundit të zhvilluar me kryeministrin Edi Rama u raportua se biseda e tyre është fokusuar tek lirimin e Belerit. Por pretendimeve të Greqisë u është përgjigjur ministrja e Jashtme Olta Xhaçka. Sipas saj Athina zyrtare nuk duhet të ndërhyë në punët e brendshme të Shqipërisë.
Deri më tani Fredi Beleri nuk i ka pranuar kurrë akuzat ndaj tij. Prokuroria e Posaçme shprehet se ka prova të forta por deri më tani asgjë nuk është bërë publike. Sipas drejtësisë Beleri u arrestua në kushtet e flagrancës duke blerë vota. Pritet që vendimi i Gjykastës së Lartë të vërë pikat mbi (i) në lidhje me kërkesat e Belerit për lirimin nga burgu. A do të betohet dhe kur do të betohet si kryebashkiak Fredi Beleri kjo mbetet për t’u parë. Një gjë eshtë e sigurt që ai i trazoi sërish ujërat diplomatikë mes dy vendeve.
