TIRANË- Kreu i Partisë Demokratike Sali Berisha në konferencën e përjavshme me gazetarët në selinë qëndrore të PD-së, ka deklaruar se Dorian Duçka dhe Agron Neza janë takuar me sipërmarrësin Ndroqi në restorantin “Padam” në kryeqytet, ku më tej ka shtuar se këta persona në praninë e Taulant Ballës, kërcënonin biznesmenët. Berisha ka shtuar se e përgëzon Ndroqin për qëndrimin e tij ndaj Duçkës dhe Nezës
PJESË NGA FJALA E BERISHËS:
“Por, Ylli Ndroqi dhe jo vetëm ai, janë dëshmitarë të skenave të shëmtuara që këta çakenj, kërcënonin biznesmenët e tjerë, natyrisht edhe në praninë e Taulant Ballës.
Mbrojtja që Edi Rama i bën Dorian Duçkës dhe Agron Nezës është mbrojtje që i bën vetes së tij. Kjo skemë është e bekuar dhe e përdorur edhe për interesat e Edi Ramës.
Unë e përgëzoj Ylli Ndroqin për qëndrimin e tij të guximshëm dhe burrëror ndaj këtyre mafiozëve, por e përgëzoj edhe për vendimin që mori, pasi unë natyrisht pa autorizimin e tij publik, nuk e bëja, për ta bërë publike këtë ngjarje të shëmtuar në restorantin Padam.
SKAP-i i partisë fut kokën nën jorgan. Nuk ka qëndrime më të turpshme se këto.
Gjobëvnës që qarkullojnë me lejen dhe autorizimin e kryeministrit. Për SKAP-in, asgjë nuk ka ndodhur.”
