Policia e Tiranës pas disa denoncimeve të ardhura nëpërmjet rrjeteve sociale ka organizuar punën për kapjen e disa drejtuesve të automjeteve të cilët kryenin manovra të rrezikshme gjatë qarkullimit.
Janë duke u intensifikuar kontrollet në të gjitha rrugët e kryeqytetit dhe gjatë kontrolleve të ushtruara janë konstatuar automjetet që shfaqen në video dhe ndaj drejtuesve të tyre janë vendosur masat administrative 40,000 lekë të rinj referuar nenit 139, si dhe 10,000 lekë të rinj, referuar nenit 146 të Kodit Rrugor.
Mësohet se deri tani dy drejtues mjetesh janë gjobitur pasi kryenin manovra të rrezikshme gjatë qarkullimit.
