Avokati Genc Gjokutaj ka zbuluar prapaskena të zhvillimeve brenda SPAK-ut, pas paraqitjes së kryetarit të PD-së, Sali Berisha në prokurorinë e posaçme pak ditë më parë.
Gjokutaj është shprehur se, drejtuesi i SPAK u ka tërhequr vërejtje prokurorëve se, pse e kanë lejuar drejtuesin e opozitës shqiptare që të shkonte në prokurori me makinën e tij personale, dhe pse nuk është dërguar atje me makinë polici.
‘Pas pranisë së Sali Berishës në SPAK, drejtuesi i këtij institucioni Altin Dumani ka thirrur prokurorët dhe u ka tërhequr vërejtje se pse kanë lejuar që zoti Berisha të shkojë me automjetin e tij në SPAK.
U është dhënë vërejtje se pse, ish-presidenti, ish-kryeministri, lideri i opozitës paska lëvizur me automjetin e tij dhe pse paska shoqërues, dhe pse nuk e kanë transportuar me makinë të policisë, kur ky mjet ka qenë pas automjetit.
Ky është SPAK-u dhe drejtuesi i saj, të cilin nuk e shqetëson 500 faqe format të printuara, njësoj sikur të ishin të bardha në drejtim të Berishës, por e shqetëson lëvizja me makinën e tij të Sali Berishës.
Njëherë tha nuk vjen, pastaj pse vjen me mjetin e tij.
Kjo është një prokurori me një logjikë infantile, tamam si ata fëmijët mistrecë që, kur ndodh diçka, pse ndodh kjo’, tha Genc Gjokutaj.
