TIRANË– Deputetja e Partisë Socialiste Anila Denaj ka mbledhur 27 firma nga kolegët e saj deputetë ku kërkon përjashtimin maksimal për kreun e Partisë Demokratike Sali Berisha nga punimet e Kuvendit. Sipas saj shkak për këtë është bërë gjuha seksiste dhe banale që kryedemokrati ka ndaj grave në Kuvend.
Anila Denaj: Sali Berisha nuk shmang asnjë diskriminim, por ka marrë edhe statusin e atij që mund të nxjerrë çfarë të dojë nga goja. Ose të nxjerrë prova, ose të kërkojë falje publike ndaj subjekeve të dhunës së shfrenuar. Gjatë ushtrimit të mandatit, sanksionet e rregullores lidhen me shkeljen e veprimtarisë së Kuvendit. Kjo deklaratë është depozituar sot dhe e keni marrë sot e kërkojmë që të shqyrtohet menjëherë.
