Autore: Alba Ismalaj
Atdheu ynë është çdo gjë çfarë kemi. Ne mundohemi çdo ditë që të bëjmë diçka të bukur dhe të ndihemi krenar për vendin tonë. A vlen kjo edhe kur ne e dimë plotësisht historinë e vendit tonë? A mund të ndihemi krenar të paktën me historinë e popullit tonë?
Shqipëria është një shtet goxha i lashtë. Lashtësia e Shqipërisë ne na bën të ndihemi krenar për atë çka jemi. Në lashtësi janë zhvilluar shumë luftra, por me kalimin e kohës çdo gjë evuloi dhe ndryshoi.
Për gjatë shumë viteve e shekujsh në Shqipëri ka ndodhur mrekullia. Por cila është mrekullia që ndodhi? Mrekullia janë vetë ngjarjet dhe legjendat që kanë ndodhur që për shqiptarët sot ato janë mesazhe.
Në rrënjët e thella tona ne mund të kemi shumë trashëgimi nga të parët tanë. Duhet të jemi krenar për shqiptarët e parë, pasi ata kanë lënë gjurmët e tyre me të cilat ne rritemi sot.
Çdo njeri mund të harroj çdo gjë që e rrethon, por vendin e tij nuk mundet ta harroj kurrë. Është ai vend ku çdo njeri shqiptoi gërmat e para, bëri hapat e parë dhe kaloi thuajse momente më të bukura në një sofër të vogël, minimimaliste, por ama shumë të ngrohtë.
Jo të gjithë i njohin legjendat shqiptare, por mesazhin e tyre e hasim në përditshmërinë tonë si fjal të urtë popullore e disa mesazhe të tjetra i hasim në problemet tona të përditshme.
Gjurmët e legjendave shqiptare janë mesazhet e jetës tonë me të cilat ne rritemi dhe rritet çdo brez pasardhës.Ne ndoshta nuk mundemi të luftojmë, por ne mundemi të tregojmë historinë e popullit tonë anë e mbanë botës duke qëndruar besnik i atdheut të shtrenjtë. Jeto në vendin tënd dhe fluturo vetëm për të treguar historinë e popullit tonë, sepse bota ka nevojë për një komb miqësor, të guximshëm, ku krenaria e tij rrjedh nëpër venat e çdo shqiptari. Ne jemi një popull legjendar dhe legjendat nuk shuhen kurrë.
