TIRANË– Kryetari i Komisionit Qëndror të Zgjedhjeve Ilirjan Celibashi i pyetur nga gazetarët në lidhje me gjuhën fyese dhe përçmuese të përdorur nga kryeministri Edi Rama gjatë fushatës elektorale ndaj kandidatëve të opozitës tha se kjo nuk është kompetencë e institucionit që ai drejton. Sipas tij retorika u përket kandidatëve të caktuar dhe nuk ndërhyhet dot.
Ilirjan Celibashi: Çështja e përmbajtjes të materialeve propagandistike nuk është e lidhur me kompetencën e KQZ. Ajo cfarë është në kompetencën tonë është vendndodhja e këtyre posterave. Si e ndërtojnë retorikën liderët politikë, kryeministri apo kryetarë të opozitës është cështje e tyre dhe shkon përtej kompetencës tonë. E vetmja gjë që mund të themi është që të ribëjmë thirrje për vetëpërmbajtje të liderëve politikë por duhet të pranojmë që ata mendojnë se i dinë të gjitha dhe i bëjnë shumë mirë.
