VLORË– Është zbardhur dëshmia e kandidatit të koalicionit ”Bashkë Fitojmë” për Bashkinë Himarës Fredi Beleri para Gjykatës së Vlorës, e cila i caktoi këtë të shtunë masën e sigurisë ”Arrest me burg” për akuzën e ”Korrupsionit aktiv në zgjedhje”. Sipas organit të akuzës, Beleri është arrestuar në kushtet e flagrancës në tentativë për të blerë vota.
Ndërkohë vetë Belëeri i ka mohuar akuzat ndaj tij. Para togave të zeza raportohet se ai është shprehur se në momentin e arrestimit ka qenë me të afërmit e tij dhe se paratë nuk i ka pasur për të blerë vota.
Fredi Beleri: Nuk kam lidhje me akuzën, isha me të afërmit e mi, lekët nuk i kisha për të blerë vota.
Arrestimi i tij ka sjellë reagime të shumta nga ana e Athinës zyrtare, e cila ka kërkuar lirimin e tij të menjëhershëm nga burgu. Ndërkohë gjatë ditës së sotme Fredi Beleri ka kërkuar asistencë mjekësore pasi nuk është ndjerë mirë. Sipas tij ai vuan nga probleme me diabiten dhe disa sëmundje të tjera.
Por provat e paraqitura nga avokati i tij nuk e kanë bindur trupën gjykuese, e cila vendosi ta lërë në burg kandidatin e opoiztën për Himarë deri në përfundim të hetimeve. Fati i tij në këto zgjedhje mbetet ende i paqartë ndërkohë që na ndajnë më pak se 24 orë nga zgjedhjet vendore të 14 majit.
