TIRANË-Gjykata e Tiranës ka liruar këtë të martë nga burgu Diana Bahçen. Në seacën e sotme trupa gjykuese vendosi pezullimin e vendimit të ekzekutimit të dënimit me burg për nënën lehonë nga Shkodra. Para togave të zeza ajo ka deklaruar se nuk ka pasur dijeni për gjobën.
Diana Bahçja: : Nuk kam qenë në dijeni të gjobës. Fëmijën e parë nuk e kam takuar se nuk më lejojnë është 5 vjeçe vajza.
Diana Bahçja ishte dënuar nga gjykata me gjobë, pasi pas ndarjes nga burri i parë, martesë nga e cila kishte një vajzë, nuk i ishte përgjigjur detyrimit që kishte për fëmijën. Ky pretendim mohohet nga Diana që deklaron se ish-burri e dhunonte. Por çudia ka ndodhur me vendimin e gjykatës. 3 vite pasi Diana Bahçja mori gjobën, Gjykata e Shkallës së Parë Tiranë, vendosi ta konvertonte dënimin nga gjobë në 50 ditë burg, pa marrë parasysh faktin se ajo është nënë e një fëmije të porsalindur.
