TIRANË– Gjykata Kushtetuese ka rrëzuar ankimimin e Gjergj Cukalit, i njohur si i forti i “Myslym Shyrit”. Cukali kishte ankimuar vendimin e Gjykatës së Posaçme për Korrupsionin dhe Krimin e Organizuar. Avokatët mbrojtës e kanë cilësuar si të padrejtë vendimin. Ai i ka mohuar gjithmonë akuzat e ngritura ndaj tij për grup kriminal dhe tentativën e vrasjes me eksploziv të Gjon Menës. GJKKO i kishte mohuar të drejtën e mbrojtjes gjatë procesit gjyqësor.
“Vendimi i gjykatës së posaçme më ka mohuar të drejtën e mbrojtjes,”-ka bërë me dije pala mbrojtëse.
Edhe më herët, Cukali e ka mohuar të kishte lidhje me shënjestrën e këtij atentati, Gjon Mema.
“Nuk kam fare lidhje me ngjarjen. Nuk e njoh Gjon Memën. Nuk e kam parë kurrë atë person,”është shprehur Cukali.
Beteja e Gjergj Cukalit me drejtësinë ka qenbë e fortë. Seancat e zhvilluara në Gjykatën e Posaçme janë shtyrë disa herë për shkak të mugesës së palës mbrojtëse. Në dosjen e drejtësisë janë dhe dy vëllezërit Enver dhe Edmond Jamaku të cilët bashkë me Cukalin janë nën akuzë për grup të strukturuar kriminal, vrasje e mbetur në tentativë, armëmbajtje e lëndë shpërthyese. Pas rrëfimeve të vëllezerve Jamaku u zbuluan edhe disa baza me armatime në Tiranë.
