Teksa gjykata e Tiranës rrëzoi kërkesën e mbrojtjes për të liruar dy të ndaluarit e protestës kombëtare të opozitës, avokatja e tyre Adriana Kalaja e cilësoi vendimin e togave të zeza antikushtetues dhe në kundërshtim me ligjin.
Në një deklaratë për mediet pas dhënies së vendimit për arrest shtëpie, Kalaja tha se parashtrimet e organit të akuzës në seancë ishin thjesht për statistikë, dosje sipas saj të urdhëruara politikisht për të intimiduar opozitën dhe PD.
Kalaja theksoi ndër të tjera, dëshmitë e sjella në seancë nga Prokuroria nuk kishin lidhje me dy protestuesit.
Gjithashtu parashtrimi i prokurorisë, ishte një dosje e stisur dhe për statistika, dosje me urdhra politikë për të ndaluar sa më shumë protestues që të intimidojnë opozitën dhe PD. Parashtruam fakte kushtetuese, se ka vendime unifikuese të Gjykatës së Lartë dhe atë Evropiane.
Të dy masat që u pranuan nga gjykata janë antikushtetuese, shkelin të drejtat kushtetuese të dy protestuesve. Jemi mësuar tashmë me dy dosjet e Berishës dhe Salianjit. Kishin stisur dëshmitë dhe nuk lidheshin me ngjarjen.
Parashtrimi i prokurorisë ishte i pa mbështetur në prova e ligj, ashtu sikurse dhe ai i gjykatës. Masat janë antikushtetuese për dy të ndaluarit pas protestës së opozitës. Vendimi i gjykatës ishte i pabazuar në ligj. Jemi në drejtësinë ku gjykata pranon çfarë i thotë prokuroria. Kjo se pengon aksionin e opozitës dhe PD.
U bëj thirrje qytetarëve të Tiranës e jo vetëm të na bashkohen sërish nesër para Bashkisë Tiranë. Ne do ia dalin sepse kemi me vete të drejtën dhe ato kushtetuese, që i kemi fituar dhe s’na i kanë dhuruar.
