Gjykata tërheq vendimin për ekstradimin e ‘spiunes’ ruse Svetlana Timofeeva

ELBASAN– Gjykata e Elbasanit ka vendosur këtë të martë për të mos e ekstraduar Svetlana Timofeeva, rusen që u arrestua në uzinën e Gramshit. Kështu është rrëzuar kërkesa e prokurorisë, e cila  i kërkoi gjykatës të procedojë me ekstradimin në Rusi të blogeres Svetlana Timofeeva. Në parashtrimet e depozituara me shkrim në gjykatë nga prokurori Mustafa Turku, që u lexuan në seancën e 17 marsit, prokuroria mbrojti kërkesën e Rusisë për ta ekstraduar Timofeevën, të cilën Moska e akuzon për “marrje të paligjshme të informacionit sekret shtetëror”.