TIRANË– Deputetja e Partisë Socialiste Blerina Gjylameti gjatë fjalës së saj në Kuvend ku po diskutohet projektligji për mediat audiovizive tha se portalet duhet të dënohen për shpifje. Sipas saj disa portale nuk dihet se kush i ka dhe se përdoren vetëm për të linçuar.
Blerina Gjylameti: Kam besimin e plotë se shumë gazetarë dhe drejtues mediash do të na kuptojnë në përmbushjen e misionit të tyre. Një media e pavarur është e domosdoshme. Por duhet të themi që ka media që përdoren për të sulmuar persona në veçanti, ka portale anonime që hapen. 12 prej tyre administrohen në mënyrë të rregullt, ndërsa të tjera nuk dihet se kush i ka në dorëzim. Është në dorën tonë që të marrë dënimin që meriton kushdo që përdor mediat për shpifje. Gjithashtu vlen për tu përmendur dhe aksesi që kanë fëmijët.
