TIRANË– Është zhvilluar ditën e sotme në Gjykatën e Elbasanit seanca e radhës për inceneratorin e Elbasanit. Mësohet se seanca e radhës do të mbahet në fillim të vitit që vjen konkretisht më 18 janar. Duke folur për mediat jashtë gjykatës avokati Saimir Vishaj tha se do të kërkojë pushimin e çështjes për të gjithë të pandehurit e dosjes së Inceneratorit të Elbasanit. Sipas Vishajt për Mirel Mërtirin, gjykata i është nënshtruar një procesi gjyqësor në 2018 dhe është shpallur i pafajshëm. Ai shtoi se një hetim i dytë mbi të bie në kundërshtim me ligjin, ndërsa e cilëson këtë proces me prapavijë politike.
Saimir Vishaj: Unë përfaqësoj Jonida Zeqon. Ajo që unë dua të them janë dy momente. Në vitin 2018 Gjykata e Elbasanit ka hetuar dhe gjykuar mbi pafajsinë e Mirel Mërtirit. Ky është një vendim tashmë i formës së prerë. Neni 7 i gjykimit të rekordit të procedurës penale ndalon gjykimin dy herë. Pra në momentin që ekziston një gjykim i vitit 2021 i formës së prerë. Procedimi penal ka filluar në bazën e kallëzimeve të forcave politike, mendoj se ky proces do të konsiderohet si proces politik. Nuk mund të gjykosh dy herë të njëjtin fakt. Është gjykuar, janë nxjerrë të gjtha faturat me të cilat është bërë ky incinerator në Elbasan dhe ka rezultuar i pafajshëm. Në seancën e rradhës do të kërkojmë që çështja të pushohet, për të gjtihë të pandehurit.
