Policia greke në bashkëpunim me DEA Amerikane, kanë goditur një grup kriminal të përbërë nga një familje shqiptare dhe kanë sekuestruar 585 kg e 208 gram kokainë, të ndarë në 500 pako.
Policia greke ka tentuar të ndalojë dy automjete në zonën e Agia Triada dhe Neo Epivaton
Një nga automjetet ka ndaluar ndërsa tjetri ka tentuar të largohet duke u përplasur me një makinë policie dhe më pas me gardhin e një ndërtese, pa pasur dëme në njerëz.
Të dyja mjetet rezultojnë të marra me qera. Brenda dy mjeteve dhe në një banesë, u sekuestruan 500 pako me 585 kg 208 gram kokainë, 7440 euro, 7 celularë, detektor metalik dhe objekte të tjera.
Është arrestuar kreu i grupit, shqiptar 50 vjec, i cili trafikonte kokainë nga Amerika Latine për shpërndarje në Greqi dhe Europë.
Në pranga janë vënë bashkëshortja e tij, 42 vjeçe, dy nipat 33 dhe 21 vjeç si dhe një grek 35 vjeç.
