TIRANË-Gjykata e Apelit ka rrëzuar kërkesë e avokatëve të Gerti Shehut, 31-vjeçarit që goditi me grusht kryetarin e Partisë Demokratike Sali Berisha në protestën e 6 dhjetorit. Avokatët e 31-vjeçarit kanë kërkuar në Apel një masë më të lehtë sigurie dhe shfuqizmin e “arrestit me burg” të dhënë në shkallën e parë ndaj tij.
Ata i kanë kërkuar Gjykatës së Apelit shtrim të përkohshëm në një institucion psikiatrik pasi sipas tyre vuan nga çrregullime mendore, dhe lënien në arrest shtëpie. Mësohet se Shehu ka kërkuar nga togat e zeza që trë kthehet në shtëpoi me pretendimin se është i sëmurë dhe ka ilaçe që duhet të pijë.
Gerti Shehu goditi me grusht kreun e Partisë Demokratike Sali Berisha më protestën e 6 dhjetorit. Ai u fut mes turmës dhe në një moment u afrua me shpejtësi dhe godtit Berishën. Si pasojë e sulmit kryedemokrati ra përtokë dhe u ngrit i gjakosur në fytyrë dhe me sy të nxirë. Shehu u neutralizua nga truprojat dhe protestuesit në shesh. Më pas ai u arrestua nga Policia. Sipas Policisë ai është person me skedë të pasur kriminale pasi është akuzuar më parë për plagosje, prishje të qetësisë publike dhe trafikim të lëndëve narkotike. Atij iu komunikua masa e arrestit me burg ditën e sotme në Spitalin e Traumës ku ndodhet për të marrë mjekim pasi pas incidentit u dhunua nga protestuesit.
